ڈس ایبلڈ کرکٹ کے ساتھ تعاون جاری رکھیں گے ،شاہد خان آفریدی

دوسالہ تعطل کے بعد ڈس ایبلٹی کرکٹ کا آغاز خوش آئند ہے ،آئی سی آرسی کا ساتھ حاصل رہے گا ،یونس عالم نیشنل ٹی20چیمپئن شپ ملک کے پانچ شہروں میں کھیلی جائے گی ،جمیل کامران ،امیر الدین کی پریس کانفرنس

کراچی (اسپورٹس رپورٹر)پاکستان میں دو سال کے تعطل کے بعد فزیکلی ڈس ایبلٹی کرکٹ کی سرگرمیوں کا آغاز خوش آئند ہے ،نیشنل ٹی20کرکٹ چیمپئن شپ میں پاکستان بھر سے کھلاڑی روایتی جوش و جذبے کے ساتھ شریک ہیں ،پاکستان فزیکلی ڈس ایبلٹی کرکٹ ایسوسی ایشن کے ساتھ تعاون پہلے کی طرح آئندہ بھی جاری رہے گا ، پی ڈی سی اے فزیکلی ڈس ایبلڈ کرکٹرز کے لئے صحتمند سرگرمیوں کے مواقع کئی برس سے فراہم کر رہی ہے جو قابل ستائش ہے ۔ ان خیالات کا اظہار انٹر نیشنل کمیٹی آف دی ریڈ کراس (آئی سی آر سی )کے کمیونیکیشن آفیسر یونس عالم ،آپریشنل کمیونیکیشن آفیسر اعزاز الرحمان،شاہد آفریدی فاءونڈیشن کے سی او او رضوان احمد ،پاکستان فزیکلی ڈس ایبلٹی کرکٹ ایسوسی ایشن کے سیکریٹری وٹورنامنٹ ڈائرکٹرامیر الدین انصاری اور ٹورنامنٹ سیکریٹری جمیل کامرا ن نے منگل کو کراچی پریس کلب میں آئی سی آر سی پریذنٹس ساتویں ایس اے ایف فزیکلی ڈس ایبلٹی نیشنل ٹی20کرکٹ چیمپئن شپ کی پریس کانفرنس سے خطاب کرتے ہوئے کیا ۔ پریس کانفرنس میں شاہد آفریدی فاءونڈیشن کے سربراہ اور پاکستان کے سپر اسٹار کرکٹر شاہد آفریدی کی جانب سے ساتویں نیشنل ڈس ایبلڈ ٹی20کرکٹ چیمپئن شپ کے حوالے سے پیغام شاہد آفریدی فاءونڈیشن کے نمائندے عبدالقادر نے پڑھ کر سنایا جس میں شاہد آفریدی کا کہنا تھا کہ ’’ میری فاءونڈیشن قدم قدم پر پاکستان ڈس ایبلٹی کرکٹ ایسوسی ایشن کے ساتھ ہے ،اس سے قبل بھی شاہد آفریدی فاءونڈیشن نے ڈس ایبلڈ کرکٹ کو سپورٹ کیا ہے ،آئندہ بھی نا صرف اس ایونٹ کے لئے بلکہ ہر اچھے اور مثبت کاذ کے لئے ہماری فاءونڈیشن پی ڈی سی اے کے ساتھ کھڑی ہے ۔ انہوں نے پاکستان بھر میں جاری ساتویں نیشنل ڈس ایبلڈ ٹی20کرکٹ چیمپئن شپ کے کامیاب انعقاد کے بارے میں بھی نیک خواہشات کا اظہار کرتے ہوئے اس میں شریک کھلاڑیوں کی حوصلہ افزائی بھی کی ۔ ‘‘پریس کانفرنس سے خطاب اور میڈیا کے سوالات کے جواب دیتے ہوئے آئی سی آر سی کے کمیونیکیشن آفیسر یونس عالم کا مزید کہنا تھا کہ آئی سی آر سی امید کرتی ہے کہ اس ایونٹ میں شریک تمام کرکٹرز اپنی ڈس ایبلٹی کو فراموش کر کے ایک بار پھر اپنی صلاحیتوں کا بھر پور مظاہرہ کریں گے اور مسابقتی کرکٹ کھیلیں گے ۔ کوویڈ19کی وبا کے باعث گزشتہ دو سال سے ڈس ایبلڈ کرکٹ نہیں ہو سکی تھی اور اب نیشنل ایونٹ ہو رہا ہے تو میں سمجھتا ہوں کہ کرکٹرز کے پاس بہترین موقع ہے کہ وہ کھیل کے ذریعے اپنی جسمانی بحالی کی جانب بھر پور توجہ دیں اور خود کو پہلے سے بہتر بنائیں ۔ آئی سی آر سی 2014سے جسمانی طور پر معذور افراد اور کھلاڑیوں کی صحتمند سرگرمیوں کے مواقع کی فراہمی کے لئے کوشاں ہے اور کھلاڑیوں کو بہتر سے بہتر سہولیات فراہم کرتی رہی ہے ،پاکستان بھر میں ہونے والے اس کرکٹ ایونٹ سے ڈس ایبلڈ افراد اور کرکٹرز کو یقینی طور پر پہلے سے زیادہ اعتماد ملے گا اور وہ معاشرے میں خود کو منوا سکیں گے،آئی سی آر سی کو امید ہے کہ اس ایونٹ سے دیگر اداروں کی جانب بھی یہ پیغام جائے گا کہ وہ بھی جسمانی طور پر معذور افراد کی جسمانی بحالی اور ان کے لئے صحتمند سرگرمیوں کے لئے اپنا کردار ادا کریں ۔ ٹورنامنٹ سیکریٹری جمیل کامران نے نیشنل ڈس ایبلٹی ٹی20کرکٹ چیمپئن شپ کی تفصیلات بتاتے ہوئے کہا کہ پی ڈی سی اے کا یہ مستقل ایونٹ کویڈ19کے باعث گزشتہ دو سال سے موخر ہو رہا تھا تاہم اس بار شیڈول کو فائنل کر کے نیشنل چیمپئن شپ ملک کے پانچ شہروں میں نئے فارمیٹ کے تحت منعقد کی جا رہی ہے ۔ پہلے مرحلے کے میچز کراچی میں جاری ہیں ،اس مرحلے میں کراچی،حیدرآباد،کوءٹہ اور کوءٹہ بولان کی ٹی میں شریک ہیں بقیہ مرحلے کے میچز ملتان،لاہور کے پی اور اسلام آباد میں منعقد ہونگے ۔ نیشنل چیمپئن شپ کا پہلا سیمی فائنل اسلام آباد اوردوسرا کراچی میں کھیلا جائے گا جبکہ فائنل کو ورلڈ ڈس ایبلڈ ڈے کے موقع پر تین دسمبر کو شیڈول کیا گیا ہے، ملتان کی ٹیم گزشتہ تین نیشنل چیمپیئن شپ کی فاتح رہی ہے اور وہ چیمپئن شپ میں مسلسل تیسری بار اپنے اعزاز کا دفاع کرے گی ۔ پی ڈی سی اے کے سیکریٹری اور ٹورنامنٹ ڈائرکٹر امیرالدین انصاری کا کہنا تھا کہ آٹھویں نیشنل ڈس ایبلڈ ٹی20کرکٹ چیمپئن شپ کے لئے ہ میں انٹر نیشنل کمیٹی آف دی ریڈ کراس اور شاہد آفریدی فاءونڈیشن کے ساتھ ساتھ پاکستان کرکٹ بورڈ کا بھی بھر پور تعاون حاصل ہے،جس کے لئے ہم ان اداروں کے شکر گزار ہیں ۔